Azərbaycan Respublikası Kinematoqrafçılar İttifaqının qanunsuz parklanma yeri sökülüb. Bu haqda 7 iyun tarixində Bakuplus.az APA<-ya istinadən xəbər verir.
Dövlət başçısı İlham Əliyevin tapşırığına əsasən, Nəsimi rayonu, Bülbül prospekti 18-30 ünvanında ağacların qanunsuz kəsimi və qeyri-qanuni parklanma yerinin yaradılması ilə bağlı müvafiq araşdırmalara başlanılıb.
“Qanunsuz parklanma Azərbaycan Respublikası Kinematoqrafçılar İttifaqı tərəfindən yaradılıb. Dövlət başçısının tapşırığına uyğun olaraq, dərhal qanunsuz parklanma yerinin sökülməsinə və piyada səkisinin əvvəlki vəziyyətinə gətirilməsinə başlanılıb. Həmçinin təqsirkarların müəyyən edilməsi məqsədilə araşdırmalar aparılır”, - Bakı Şəhər İcra Hakimiyyəti məlumat verib.
Bundan əvvəl ağacların kəsilməsi, parklanma yerinin yaradılması və bunun nəticəsi kimi piyada səkisinin daraldılması barədə məlumat vermişdik.
Yenilənib: 16:15
Nəsimi rayonu, Bülbül prospekti 18-30 ünvanında ağacların qanunsuz kəsilməsi ilə bağlı Nəsimi Rayon Bələdiyyəsinin rəhbərliyi vəzifəli şəxs qismində 5000 manat məbləğində cərimələnib.
[video width="1280" height="720" mp4="https://bakuplus.az/storage/photos/2022/06/video_2022-06-07_17-01-06_1.mp4"][/video]
