Nizami Tibb Mərkəzində yeni şöbə yaradılıb. Bu haqda bu gün, 6 iyul tarixində Bakuplus.az Report-a istinadən xəbər verir.
40 çarpayılıq cərrahiyyə bölümü yeni və müasir standartlara cavab verən tibbi avadanlıqlarla - portativ rentgen, narkoz (anesteziya) aparatı, defibrilyator, kardiomonitor, koaqulyatorla təchiz olunub.
Şöbənin açılışında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev, Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanov və digər rəsmilər iştirak ediblər.
Ötən il Nizami Tibb Mərkəzində 9000-dən çox pasiyentə 48.000-dən çox tibbi xidmət göstərilib ki, bunların 23.694-ü ambulator, 24.750-si stasionar xidmətlərdir. Cari il ərzində isə 18.000-dən çox pasiyentə 145.000-dən çox tibbi xidmət göstərilib.
