Nizami rayonunda qanunsuz ağac kəsimi və tikili dayandırıldı.
Nizami rayonu Bəhruz Nuriyev 31 ünvanında yaşayan sakinlər binanın həyətindəki ağacların kəsilmə təhlükəsindən narahat olaraq Dövlət Ekoloji Təhlükəsizlik Xidmətinə şikayət ediblər. Qurumun əməkdaşları dərhal yerinə gəlib və tikintinin qanunsuz olduğu müəyyən ediblər. Baxış zamanı yaşıllıq ərazidə mişar aşkar olunub. Ərazidə 14 müxtəlifcinsli ağacın olduğu müəyyən edilib və qeydiyyata alınaraq nəzarətə götürülüb.
Nizami Rayon İcra Hakimiyyətinin rəsmisinin sözlərinə görə, ağacları kəsmək istəyən şəxs özünü idmançı kimi təqdim edirdi.
Faktla bağlı araşdırmalar başlanıb.
Oxşar hadisə 17 avqust tarixində Binəqədi rayonunda qeydə alınıb. Mir Cəlal küçəsi 145 ünvanında qaraj tikintisi məqsədilə 16 ağac kəsilib.
