20 may 2022-ci il tarixindən etibarən IrAero Hava Yolları Novosibirsk-Bakı-Novosibirsk marşrutu üzrə beynəlxalq uçuşlar yerinə yetirməyə başlayacaq. Bu haqda bu gün, 4 may tarixində Bakuplus.az məlumat verir.
Uçuşlar cümə günləri Superjet-100 təyyarələri ilə həyata keçiriləcək.
Təyyarə Novosibirskdən yerli vaxtla saat 13:00-da yola düşür, Bakıya saat 14:20-də çatır, səyahət vaxtı 4 saat 20 dəqiqədir. Heydər Əliyev Beynəlxalq Aeroportundan geri dönüş reysi həmin gün saat 15:20-də, Tolmaçevo Hava Limanına eniş saat 22:20-də baş tutur, səyahət vaxtı 4 saat təşkil edir. Bir tərəfə biletin qiyməti 27 685 rubldan (678 manat) başayır.
Aviaşirkətdən verilən açıqlamada biletlərin artıq satışda olduğu bildirilib.
