Novruz bayramı günlərində şəhərlərarası qatarlar gücləndirilmiş rejimdə işləyəcək. Bu haqda bu gün, 17 mart tarixində Bakuplus.az “Azərbaycan Dəmir Yolları” QSC-nin mətbuat xidmətinə istinadən məlumat verir.
20-24 mart tarixlərində Bakı-Qəbələ, 21-23 mart tarixlərində isə Qəbələ-Bakı istiqamətində əlavə reyslər elan edilib. Qatar Bakıdan saat 08:00-da, Qəbələdən saat 19:00-dan yola düşür. Qatarın yolda olma müddəti 3 saat 20 dəqiqədir.
Bakı-Ağstafa istiqamətində 18 mart saat 08:25, 08:45 və 17:00-da, 19 və 20 mart tarixlərində saat 08:25 və 08:45-də qatarlar çıxır. Qatarın yolda olma müddəti 4 saat 55 dəqiqədir.
Abşeron Dairəvi Dəmiryolu xətti üzrə qatarlar istirahət günlərindəki ənənəvi qrafikə uyğun hərəkətdə olacaqlar.
Daha ətraflı burdadır: https://ticket.ady.az/hereket-cedveli.
