14-17 noyabr tarixlərində Müstəqil Sənayeçi və İş Adamları Dərnəyi (MÜSİAD) təşkilatı ilə Bakıda Beynəlxalq Biznes Forum (IBF) baş tutacaq. Bu haqda Trend məlumat verib.
Forum müxtəlif ölkələrdən olan iş adamlarını və dövlət məmurlarını cəlb etmək məqsədi ilə təşkil olunur. Tədbir ticarət-iqtisadi əlaqələrin, investisiya əməkdaşlığının və biznes əlaqələrin inkişafında rol oynamalıdır. Beynəlxalq Biznes Forum çərçivəsində təmsil olunduğu ölkələrdən beş yüzdən çox investorun Azərbaycana gəlməsi gözlənilir.
Beynəlxalq Biznes Forum 1995-ci ildə MUSİAD tərəfindən yaradılıb və dünyanın 25 ölkəsində 42 assosiasiya fəaliyyət göstərir.
