Bakıda turistə hücüm edənlərə hökm oxunub. Bu haqda bu gün, 2 may tarixində Bakuplus.az Qafqazinfo.az-a istinadən xəbər verir.
“Torqovaya” adlanan ərazidə Pakistan vətəndaşına qarşı quldurluq etməkdə təqsirləndirilən Şahin Cavadov və Asif Bağışov Cinayət Məcəlləsinin 181.2.1 və 181.2.5-ci maddələri ilə təqsirli biliniblər.
Məhkəmədə bildirilib ki, hadisə ötən il fevralın 11-də baş verib. Pul kisəsi arxa cibində açıq görünən Umar Farooq 26 yaşlı Şahin və 24 yaşlı Asifin diqqətini çəkib. Onlar onu təqib ediblər və bıçaqla hücum edərək içərisində 2000 ABŞ dolları, 50 manat və sənədlər olan pulqabısını talayıblar.
Məhkəmənin hökmü ilə Şahin Cavadova 9, Asif Bağışova isə 8 il həbs cəzası verilib.
Qeyd edək ki, həmin gənclər əvvəllər də oxşar əməllərə görə məhkum olublar.
