Azərbaycanda parklanma cərimələrində dəyişiklik edilib. Bu haqda bu gün, 12 iyun tarixində Bakuplus.az Report-a istinadən xəbər verir.
Azərbaycanda parklanma qaydalarının pozulmasına görə cərimələr artırılır:
- Ödənişli parklanma yerinə daxil olduqdan sonra proqram təminatı və ya SMS vasitəsilə parklanma müddətinin başladılmamasına görə 20 AZN;
- Parklanma yerində müvafiq yol nişanları və nişanlama xətləri ilə müəyyən edilmiş parklanma üsulunun pozulmasına görə 20 AZN;
- Maksimum kütləsi 3,5 tondan çox olan yük avtomobillərinin parklanmasına, habelə parklanma yerlərinin rezervasiya edilməsi və ya digər üsullarla nəqliyyat vasitələrinin sərbəst parklanmasına maneələr yaradılmasına görə 20 AZN;
- Əlilliyi olan şəxslərin nəqliyyat vasitələri üçün nəzərdə tutulmuş parklanma yerlərində digər nəqliyyat vasitələrinin parklanmasına görə 60 AZN cərimə tətbiq olunacaq.
Bundan əlavə, qanunsuz parklanma yerlərinin təşkili, parklanma xidmətinin göstərilməsi, yaxud həmin xidmətlə bağlı ödənişin tələb edilməsinə görə yeni cərimələr müəyyənləşir.
Sadalan qayda pozuntularına yol verən fiziki şəxslər 200 AZN, vəzifəli şəxslər 500 AZN və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda 15 günədək müddətə inzibati həbs, hüquqi şəxslər isə 2000 AZN məbləğdə cərimə olunacaqlar.
