Bakının Səbail rayonunun Xaqani küçəsində aparılan təmir işləri artıq yekunlaşmaq üzrədir. Bu haqda bu gün, 29 iyul tarixində Bakuplus.az Azərbaycan Avtomobil Yolları Dövlət Agentliyinə istinadən məlumat verir.
Aleksandr Puşkin küçəsindən Kövkəb Səfərəliyeva küçəsinə qədər artıq köhnə asfalt-beton örtüyünün frezlənməsi və yeni asfalt-beton örtüyünün döşənməsi icra olunub.
Bununla yanaşı, ərazidə yeraltı kommunikasiya xətlərinin baxış qapaqları qaldırılacaq və avtonəqliyyat vasitələrinin normal hərəkətinin təmin edilməsi üçün üfüqi nişanlanma xətləri də çəkiləcək.
