Bakıda daha bir “McDonald’s” restoranı fəaliyyət göstərəcək. Bu haqda BakuPlus.az bu gün, 22 mart tarixində xəbər verir.
Yeni restoran Yasamal rayonu, Tbilisi prospekti ilə Ş.Mehdiyev küçəsinin kəsişməsində açılıb. “Grand Hayat” kompleksinə daxil olan binada yerləşən yeni restoranın layihələndirilməsində müasir dizayn və yüksək texnologiya tətbiq edilib.
Restoran qida sənayesinin ən son trendlərinin bütün tələblərinə cavab verən avadanlıqlarla təchiz olunub.
Unikal “Luna” dizaynı ilə fərqli interyerə malik dəbli restoranda 175-dən çox oturacaq yeri nəzərdə tutulub. Azərbaycanda bu cür innovativ dizayna malik olan ilk “McDonald's” şəbəkəsinin restoranı Avropada da birinci restorandır.
Bura həm küçədən, həm də birbaşa “Grand Hayat” yaşayış kompleksindən daxil olmaq mümkündür.
Yeni “McDonald’s” restoranında interaktiv özünəxidmət köşkü də mövcuddur. Qonaqlar burada həmçinin “masa arxasında xidmət”indən də faydalana biləcəklər. Bu xidmət sifarişi masa arxasında qəbul etməyə imkan verir.
Bu restoranın açılması ilə 80 yeni iş yeri yaradılıb.
Hazırda ölkədə 21 “McDonald’s” restoranı fəaliyyət göstərir.
[URIS id=37848]
