Bakının Binəqədi rayonunda 17 yaşlı qız özündən yaşca çox böyük kişiyə ərə verilməsi ilə bağlı məlumat yayıb. Bu haqda bu gün, 16 oktyabr tarixində Bakuplus.az Bizim.Media-ya istinadən məlumat verir.
Toy mərasimi oktyabrın 29-da Azadlıq prospektində yerləşən “Mələk” şadlıq sarayında baş tutacaq. Yaxınlara artıq dəvətnamələr də paylanılıb. İddialara görə, ərə verilən yeniyetmə Binəqədidə yaxşı tanınan və dünyasını dəyişən Məşədi Kərimin qızıdır.
Daxili İşlər Nazirliyinin (DİN) rəsmisi Anar Qafarov məsələnin araşdırıldığını bildirib. Rayon İcra Hakimiyyətindən, həmçinin araşdırma aparıldığı bildirilib.
