Bakuplus.az-a verilən məlumata əsasən paytaxtın mərkəzində 8 noyabr tarixində qeyd edilən Zəfər günü bayramına hazırlıq işlər aparılır.
Hazırda binaların və yolların fasadları bəzədilir, binaların üzərində dövlət və Türkiyə bayraqları, plakatları asılır. Qeyd olunur ki, aparıcı televiziya şirkətləri də hadisələrin çəkilişlərinə hazırlaşır.
Daha öncə məlum olub ki, 8 noyabr saat 07:00-dan etibarən Zəfər günü ilə əlaqədar Bakının “Azneft” dairəsi, Neftçilər prospekti, Kövkəb Səfərəliyeva, Azadlıq, Bülbül, Rəsul Rza, Yusif Səfərov, İstiqlaliyyət küçələri və Ağ Şəhər Bulvarı istiqamətində hərəkət məhdudlaşdırılacaq.
Həmçinin, 8 noyabr tarixində axşam saatlarında Dənizkənarı bulvarında ən uzun sürən atəşfəşanlığın keçiriləcəyi planlaşdırılır.
[URIS id=13177]
