8 Noyabr- Zəfər günü Bakıda rəngarəngliyi ilə yadda qalıb.
Səhər saat 10:00-da hərbçilər uzunluğu 440 metr olan Azərbaycanın Dövlət Bayrağı ilə Azneft meydanından üzü Ağ şəhər istiqamətinə yürüş ediblər. Dövlət Sərhəd Xidmətinin süvari dəstəsi də hərbi orkestrin müşayiəti ilə yürüşü Hərbi qənimətlər parkında başa vurub.
Yürüşdən sonra Bakı Dövlət Universitetinin tələbələrinin iştirakı ilə fləşmob keçirilib. Tələbələr “Dəmir yumruq” kompozisiyasını yaradıblar.
Gün ərzində II Fəxri xiyabana gələnlərin ardı-arası kəsilməyib. Şəhidlərin yaxınlarından əlavə sıravi vətəndaşlar da Vətən uğrunda canlarından keçən hərbçilərin məzarlarını ziyarət ediblər.
Bu zaman paytaxtın mərkəzi küçələrində bayraqlarla bəzədilmiş və hələ də davam edən
avtomobillərin yürüşü keçirilib.
Saat 21:10-da Dənizkənarı Milli Parkın ərazisində paytaxt tarixində ən uzunmüddətli atəşfəşanlığın olacağı gözlənilir.
