“Sara Qəhrəmanovanın ölən qızı barədə araşdırma apardıq. Ölən qız mətbəxdə əməliyyat olunub”.
Bakuplus.az xəbər verir ki, bunu səhiyyə nazir Teymur Musayev parlamentin bugünkü iclasında bildirib.
Nazir qeyd edib ki, əməliyyat edən şəxs tibb ixtisası sənədi daşıyıcısı deyil.
***
14:26
“Plastik cərrahiyə sahəsində özbaşınalıq var və kim gəldi əməliyyat edir. İnsanları ən sadə mənada desəm, öldürürlər”.
Bakuplus.az xəbər verir ki, bunu Milli Məclisin bu gün keçirilən plenar iclasında deputat Səyyad Aran (Salahlı) deyib.
“Dünənki vətəndaş qəbulunda valideynlər gəlmişdi. Onların qızları Səbirə Vəliyevanı əməliyyat edən Ülviyyə İlyasova səhv əməliyyat nəticəsində həmin şəxsi öldürüb. Onun iki uşağı yetim qaldı. O gündən bəri o adam haqqında heç bir tədbir görülmür. Valideynlərin dediyinə görə, bu qız 9-cu sinfi bitirib və heç bir tibbi təhsili yoxdur. İndi də bu adam “Qurbanova” soyadı ilə işləyir. Hazırda kosmetoloq-üz cərrahı kimi gizli fəaliyyət göstərir. Biz mətbuatda oxuduq ki, plastik cərrahları imtahan etdilər və onların siyahısını dərc etdilər. Lakin o adamlar kim oldu, biz bunu bilmədik. Bu, geniş ictimaiyyətə təqdim olunmalıdır. Ölən adamı həmin şəxs koma vəziyyətində öz evinə aparıb. Orda ona kömək eləmək istəyib, amma fayda verməyib. Valideynləri hədsiz dərəcədə narazıdır və bildirirlər ki, bizim uşağımızın qatili kimdir, hələ də bilmirik. 9-cu sinfi bitirən şəxs hansısa həkim məntəqəsinin yanından yer alıb fəaliyyət göstərirmiş. Bu nə dərəcədə özbaşınalıqdır? Ona bu icazəni və yeri kim verib?", - deyə deputat bildirib.
