Bakının mərkəzində yerləşən "Port Baku" yaşayış kompleksində yanğın olub.
Bakuplus.az xəbər verir ki, görüntülər sosial şəbəkələrdə paylaşılıb.
Yanğın binanın yuxarı mərtəbələrində qeydə alınıb.
Yanğınla bağlı Fövqəladə Hallar Nazirliyi məlumat yayıb.
Bildirilib ki, FHN-in "112" qaynar telefon xəttinə Bakı şəhəri, Səbail rayonu ərazisində yerləşən çoxmərtəbəli yaşayış binasında yanğın baş verməsi barədə məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.
Yanğınsöndürənlərin və yaşayış binasının texniki heyətinin operativ müdaxiləsi sayəsində çoxmərtəbəli yaşayış binasının 10-cu mərtəbəsində yerləşən vətəndaşa məxsus mənzildə baş vermiş yanğın genişlənməsinə imkan verilmədən qısa müddətdə söndürülüb.
