Bakının Sabunçu rayonu, Ramana qəsəbəsi ərazisində əsaslı təmir və abadlıq işləri yekunlaşmaq üzrədir. Aparılan işlərlə bu gün, 6 iyul tarixində Azərbaycan Respublikasının Prezidenti İlham Əliyev tanış olub. Bu haqda AR Prezidentinin rəsmi internet saytında məlumat yayılıb.
Ramana qəsəbəsində yenidənqurma işləri başa çatdırılıb, kəndin yollarına asfalt döşənilib, divarlar və dam örtükləri yenilənib, küçələrə işıqlandırma quraşdırılıb. Həsənbəy Zərdabi, Xanlar, Mirzəağa Əliyev, Əbdürrəhman bəy Haqverdiyev küçələri və qəbiristanlığın ətrafındakı küçələr tamamilə abadlaşdırılıb. Ərazi zibildən təmizlənib.
Həmçinin ilin sonuna qədər qəsəbədə 450-yə qədər iş yerinin açılması planlaşdırılır.
Qəsəbə ərazisində yerləşən tarixi Novruzqulu hamamında bərpa işləri görülüb.
Bu yerlərdə içməli su mənbələri az olduğundan XVI-XVIII əsrlərdə içməli qrunt sularından istifadə məsələsi aktuallaşmış və ovdanlar yaradılmışdır. Bu obyektlərin tikintisi 20-ci əsrə qədər davam etmişdir. Prezident İlham Əliyevə su anbarında aparılan təmir-bərpa işləri barədə məlumat verilib.
Ramanalıların sağlam həyat tərzi sürməsi, asudə vaxtlarını səmərəli keçirmələri üçün kənddə idman kompleksi tikilib. Mərkəzdə qapalı idman zalı və minifutbol meydançası da yaradılıb.
[URIS id=51366]
