İqtisadiyyat Nazirliyinə yeni təyinat olub. Bu haqda bu gün, 18 aprel tarixində Bakuplus.az Report-a istinadən xəbər verir.
49 yaşlı Anar Axundov iqtisadiyyat nazirinə yeni müavin təyin olunub. Bununla bağlı prezident İlham Əliyev Sərəncam imzalayıb.
Təyin olunan A.Axundov Azərbaycan Dövlət İqtisad Universitetini İqtisadçı ixtisası üzrə bitirib, əmək fəaliyyətinə "Bakı Banklararası Valyuta Birjası"nda başlayıb, sonradan bir sıra kommersiya banklarında çalışıb.
Daha sonra o, Prezident yanında Qiymətli Kağızlar üzrə Dövlət Komitəsində baş mütəxəssis, şöbə rəisi və departament rəisi, Bakı Fond Birjasında Fond bazarının inkişafı departamentinin rəisi və idarə heyətinin sədri, "Azərbaycan İnvestisiya Şirkəti"ndə icraçı direktor, “Bank Standart”da idarə heyəti sədrinin müavini, eləcə də Təhsil Nazirliyində idarə rəisi və Azərbaycan Dövlət Neft Şirkətinin (SOCAR) Müşahidə Şurasının üzvü kimi çalışıb.
Ailəlidir, 2 övladı var.
