Mədəniyyət işçisi Əsəd Əsədov Mehdiabad qəbiristanlığında dəfn olunub. Bu haqda bu gün, 23 sentyabr tarixində Bakuplus.az APA-ya istinadən xəbər verir.
Mərasimdə mərhumun ailə üzvləri, ictimaiyyət, mədəniyyət nümayəndələri iştirak ediblər.
11:34 - “Qızıl Çıraq” mükafatçısı Əsəd Əsədov dünyasını dəyişib
Əməkdar mədəniyyət işçisi Əsəd Əsədov vəfat edib. Bu haqda bu gün, 23 sentyabr tarixində Bakuplus.az Report-a istinadən xəbər verir.
Əsəd Əsədov 76 yaşında dünyasını dəyişib.
Əsədov 1947-ci il martın 1-də Bakıda anadan olub. Səs rejissoru 2023-cü ildə Azərbaycan mədəniyyətinin inkişafında xidmətlərinə görə Azərbaycan Prezidentinin fərdi təqaüdünə layiq görülüb. Mədəniyyət işçisi 100-ə yaxın bədii və sənədli filmin səs rejissoru olub. O, “Yaramaz” filminə görə dövlət mükafatı və “Ailə” filmindəki işinə görə “Ən yaxşı səs rejissoru” nominasiyasında “Qızıl Çıraq” mükafatını qazanıb.
