Birinci Qarabağ müharibəsində iştirak edən polkovnik Hamlet Hüseynov vəfat edib. Bu haqda bu gün, 3 mart tarixində Bakuplus.az məlumat verir.
Hamlet Hüseynov 1932-ci il mayın 9-da Salyanda anadan olub. O, Gədəbəydə, Tovuzda, Sumqayıtda, Bakının Nəsimi rayonunda hərbi komissarlıqlara rəhbərlik edib, Azərbaycan Respublikasının hərbi komissarının 1-ci müavini, Ordu korpusunun komandiri vəzifələrində çalışıb.
1992-ci ildə Qarabağın azad olunması uğrunda döyüşlərdə iştirak edib. Hamlet Hüseynov bir çox orden və medallarla təltif olunub.
Hamlet Hüseynov FHN-in general-mayoru Etibar Hüseynovun atasıdır. Onun qardaşı oğlu, general-leytenant Əliağa Hüseynov isə uzun müddət Azərbaycanın hərbi komissarı və millət vəkili olub.
