Növbəti ay üçün Qarabağa bilet satışına start verilir.
Azərbaycan yerüstü Nəqliyyat Agentliyi xəbər verir ki, biletlər 27 avqust saat 11:00-dan etibarən satışa çıxarılacaq.
Sərnişinlər biletləri https://yolumuzqarabaga.az/ portalı vasitəsilə onlayn qaydada ala bilərlər.
Vətəndaşlar bilet almaq üçün şəxsiyyəti təsdiq edən sənəddəki məlumatları sistemə daxil etməlidirlər. Hər bir bilet yalnız şəxsiyyət vəsiqəsi ilə eyniləşdirilən vətəndaş tərəfindən istifadə oluna bilər. Bilet alındıqdan sonra başqa şəxsə ötürülməsi mümkün deyil.
2022-ci ilin 24 yanvar tarixindən bu günədək Şuşa və Ağdam şəhərlərinə 787 reys həyata keçirilib, ümumilikdə 31.900 sərnişin işğaldan azad olunmuş əraziləri ziyarət edib.
