Novruz bayramı ərəfəsində Dövlət Turizm Agentliyi Qarabağa 2 və 3 günlük turlara başlayır. Turlar martın 18-dən etibarən təşkil olunacaq. Bu haqda bu gün, 3 mart tarixində Bakuplus.az məlumat verir.
Turlarda turistlər Füzuli şəhərinin mərkəzindəki şəhər dağıntıları, ilk şəhid abidəsinin ziyarəti, Cıdır düzü, “Vaqif” məqbərəsi, Mehmandarovların evi, Bülbülün ev-muzeyi, “Yuxarı Gövhər Ağa” məscidi, “Güllələnmiş Heykəllər” meydançası, Şuşa qalası, Şuşanın “Gəncə” qapıları və “Xarıbülbül” simvolu, “Qazançı” kilsəsi, Şuşa “Realnıy” Məktəbi kimi tarixi abidələrlə tanış olacaqlar.
Gecələmə Şuşa şəhərində yerləşən hoteldə nəzərdə tutulub.
Avtobus transferi, hoteldə yerləşmə, səhər yeməyi və bələdçi daxil olmaqla iki günlük turun qiyməti 215 manat, üç günlük turun qiyməti 370 manatdır. Səyəhətlərə 18 yaşına çatmış Azərbaycan vətəndaşları qatıla bilərlər.
Vətəndaşlar turlarda iştirak etmək üçün martın 6-dan etibarən turizm şirkətlərinə müraciət edə bilərlər.
