İşğaldan azad olunmuş ərazilərdə aşkarlanan kütləvi məzarlıqların sayı açıqlanıb.
Azərtac xəbər verir ki, erməni işğalından azad olunan ərazilərdə aparılmış qazıntılar zamanı 18 kütləvi məzarlıq aşkarlanıb və həmin məzarlıqlardan 169 şəxsə aid olduğu ehtimal edilən meyit qalıqları tapılıb.
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi, İşçi qrupunun rəhbəri Qəzənfər Əhmədov deyir ki, həmin meyit qalıqlardan 59 nəfərin Birinci Qarabağ müharibəsində itkin düşmüş şəxslərə aid olduğu müəyyənləşdirilib.
Bundan əlavə işğaldan azad edilmiş ərazilərdə 259 şəxsə aid meyit qalıqları aşkar olunaraq ekshumasiya edilib, 16 nəfər itkin-şəhidin şəxsiyyəti eyniləşdirilib.
