Bakıda çipsdən zəhərlənmə iddiası ilə bağlı açıqlama verilib. Bu haqda bu gün, 10 iyun tarixində Bakuplus.az AQTA və TƏBİB-yə istinadən xəbər verir.
Bildirilib ki, ilkin araşdırma zamanı azyaşlının əvvəlcə Qaradağ Tibb Mərkəzinə aparıldığı, ona qarın nahiyəsinin dəqiqləşdirilməmiş ağrısı diaqnozu qoyulduğu məlum olub.
“Ona ürək ritminin dəqiqləşdirilməmiş pozğunluğu, paroksizmal taxikardiya, ürək çatışmazlığı, dekompensasiya olunmuş metabolik asidoz diaqnozları təyin edilib”, – deyə açıqlamada qeyd olunub.
Ailənin bildirdiyinə görə, ailənin 3 uşağı çips məhsulu qəbul edib, lakin digər iki uşağın səhhətində heç bir problem müşahidə olunmayıb.
9 iyun tarixində Qaradağ rayonunun Qobustan qəsəbəsi, Yeni Yaşayış massivində yaşayan 4 yaşlı Turqut Cavadzadə vəfat edib. Onun çipsdən zəhərləndiyi ehtimal olunur.
