Mədəniyyət Nazirliyinin Bakı şəhər Mədəniyyət Baş İdarəsinin nəzdində olan Qaradağ rayon mərkəzləşdirilmiş kitabxanasından oğurluq etməkdə təqsirdirilən şəxsin məhkəməsi başa çatıb. Bu haqda bu gün, 29 sentyabr tarixində Bakuplus.az Qaynarinfo-ya istinadən məlumat verir.
Hökmə əsasən, Xəyyam Heydərov cinayət əməlini törətməkdə təqsirli bilinərək, 2 il müddətinə azadlıqdan məhrumetmə cəzasına məhkum edilib.
42 yaşlı paytaxt sakini Xəyyam Heydərov (ad-soyad şərti) kitabxananın şüşə pəncərəsini yerdən tapdığı daş parçası ilə sındıraraq içəri daxil olub. O, kitabxananın direktoru Dilarə Əzməmmədovaya məxsus 1298 manat dəyərində "HP pro” kompüter dəstini, 1978 manat "HP” notbukunu, 52 manat dəyərində "Panasonic” markalı telefonunu oğurlayıb. Xəyyam Heydərov, həmçinin kabinetdən 743 manat dəyərində "Canon” markalı printeri də oğurlayıb, lakin onu kitabxananın həyətinə ataraq gedib. Ümumilikdə kitabxanya 4121 manat dəyərində maddi ziyan dəyib.
Heydərov oğurladığı əşyaları "Şamaxinka” adlanan ərazidə yerləşən "EL-Telecom” mağazasına satıb.
