Bakı şəhəri, Yasamal rayonu, Əsəd Əhmədov küçəsi 31A ünvanında aparılan qazıntı işləri sakinlərin narazılığına səbəb olub.
Bakuplus.az-a müraciət edən sakinlər bildirir ki, əraziyə iki gün öncə "Azəriqaz" əməkdaşları gəlib və qazıntı işləri aparıb. Ancaq iş başa çatdıqdan sonra yol əvvəlki vəziyyətinə qaytarılmayıb.
Şikayətçilərin sözlərinə görə, hazırda yol bərbad gündədir, torpaq çökməsi baş verib, çuxurlar əmələ gəlib.
"Neçə maşının altı dəydi, zədələndi. Bu qədər məsuliyyətsizlik olar? Yol qazılıb, amma üstündən sanki heç kim keçməyəcəkmiş kimi buraxılıb", – deyə yerli sakinlərdən biri bildirir.
Sakinlər aidiyyəti qurumlardan məsələni nəzarətə götürməyi və yolun bərpasını təmin etməyi tələb edirlər.
