Bakıda qeyri-yaşayış obyektlərinin qiyməti qalxacaq. Bu haqda bu gün, 19 iyun tarixində Bakuplus.az Xəzər Xəbərə istinadən məlumat verir.
Qiymət artımının əsas səbəbi kimi sənədləşmənin sadələşdirilməsi göstərilir. Belə ki, Prezidentin fərmanı ilə bir sıra obyektlərin sənədləşmə prosedurları sadələşdirilib.
“Ölkə başçısının qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı fərmanı obyekt bazarına da təsir edəcək. Çünki indiyə qədər sənədi olmayan obyektlər bəzi hallarda dəyərindən ucuz satılırdı və ya sahibi satış prosesində bir sıra problemlə üzləşirdi”, - deyə Əmlak eksperti Ramil Osmanlı bildirib.
Ekspert deyib ki, bu fərman yaxın iki il ərzində ümumilikdə 40 minə yaxın obyektin sənədləşməsinə gətirib çıxaracaq.
