"Qurtuluş" Reabilitasiya Mərkəzinin adam oğurluğu, qanunsuz azadlıqdan məhrum etmə, əzab vermə cinayətlərində ittiham olunan rəhbəri Ceyhun Salmanov və iki əməkdaşının məhkəmə araşdırması başa çatıb.
Sumqayıt Şəhər Məhkəməsində keçirilən son iclasda hökm oxunub.
Hökmə əsasən, Ceyhun Salmanov, Elşən Məhərrəmov və Natiq Əliyev verilmiş ittihamlarla təqsirli biliniblər.
Onlara 3 il 6 aya kimi azadlıqdan məhrum etmə cəzası təyin edilib. Lakin hər birinin cəzası şərti hesab olunub.
Üçü də məhkəmə zalından azadlığa buraxılıb.
Qeyd edək ki, bu mərkəz tanınmış jurnalist Nəsimi Nəbizadənin müalicə alması və qaçması ilə gündəmə gəlmişdi.
Mənbə: qafqazinfo.az
