Bakı Ağır Cinayətlər Məhkəməsində Bakıda quru meyvə satışı ilə məşğul olan iş adamı Elman Ağasıyevə hökm oxunub. Bu haqda bu gün, 25 iyun tarixində Bakuplus.az Oxu.az-a istinadən məlumat verir.
Qəbələ rayon sakini Elman Ağasıyev Cinayət Məcəlləsinin “Külli miqdarda zərər vurmaqla dələduzluq etmə” maddəsi ilə cinayət məsuliyyətinə cəlb edilib.
Onun barəsində hüquq-mühafizə orqanlarına 4 nəfərin şikayət etdiyi qeyd olunur. Məlumata görə, Ağasıyev onların müvafiq olaraq 10.000, 85.850, 132.000 və 18.000 manat məbləğində vəsaitlərini dələduzluq yolu ilə ələ keçirib.
Quru meyvə alqı-satqısı ilə məşğul olan tərəflər arasında narazılıq yaranıb və araşdırma zamanı külli miqdarda borcun olması üzə çıxıb.
Məhkəmənin hökmü ilə Ağasıyev 6 il müddətinə azadlıqdan məhrum edilib.
