Rəşad Dağlının qətldən öncə bıçaq alması ilə bağlı videogörüntülər yayılıb. Bu haqda bu gün, 14 dekabr tarixində Bakuplus.az Lent.az-a istinadən xəbər verir.
Qətl törədilən gün meyxanaçı mağazadan bıçaq alanda kameralara düşüb. O, saat 04:00 radələrində mağazaya daxil olur. Mağazada vitrindəki bıçağı seçən meyxanaçı pulunu ödəyərək oranı tərk edir.
Rəşad Dağlı dindirilən zaman bildirmişdi ki, İskəndər Mehdiyevlə görüşə gedərkən Bakı-Sumqayıt yolunda siqaret almaq üçün mağazaya girib. Burada görüb ki, kassa olan masanın üstündə bıçaqlar var:
“İskəndərin “boş gəlmə” sözü yadıma düşdü. Bıçağı aldım və maşına əyləşib İskəndərin yaşadığı evin qarşısına gəldim”.
Meyxanaçı 9 il 6 ay müddətinə azadlıqdan məhrum edilib.
