Bu gün Türkiyə Respublikasında prezident seçkilərinin 2-ci turu keçirilib.
Gün ərzində ölkənin müxtəlif regionlarından insanlar seçki məntəqələrinə axın ediblər. Səs verənlər arasında yataq xəstələri və quzu ilə gələnlər belə var idi. Rəcəb Tayyib Ərdoğan İstanbulda, Kemal Kılıçdaroğlu isə Ankarada eyni vaxtda məktubları qutuya atıblar.
Axşam saatlarında səslərin sayılmasına başlanılıb. Qutuların hamısının açılmamasına baxmayaraq, Ərdoğan öz qalibiyyətini elan etdi. Türkiyə Prezidentini ilk İlham Əliyev təbrik etdi. Daha sonra Özbəkistan, Liviya və digər ölkələrin başçıları da Ərdoğanı təbrik etdilər.
Son rəqəmlərə əsasən, Ərdoğan 52,10% səs, Kılıçdaroğlu isə 47,90% səs topladı. 99,49% sandıq açılıb.
Hazırda Türkiyədə insanlar küçələrə axışırlar. Onlar bir araya toplaşaraq Ərdoğanın yenidən seçilməsini qeyd edirlər.
Bakı da sakit dayanmır. Yerli sakinlər səfirlik önünə toplaşır, atəşfəşanlıq edirlər.
R.T.Ərdoğan növbəti 5 il Türkiyə Respublikasının Prezidenti olacaq.
Bakı:
[video width="848" height="464" mp4="https://bakuplus.az/storage/photos/2023/05/c8159fc120bb1f62789d37bb59cae7ad.mp4"][/video]
Türkiyə:
[video width="848" height="464" mp4="https://bakuplus.az/storage/photos/2023/05/31cde7cf8ee5447d6b0b9972da81c725.mp4"][/video]
