Azərbaycanlı yazıçı, dramaturq, ssenarist, prodüser və kinorejissor Rüstəm İbrahimbəyov 83 yaşında vəfat edib. Bu haqda bu gün, 11 mart tarixində Report Kinematoqrafçılar İttifaqının katibi Əli İsa Cabbarova istinadən məlumat verir.
Cabbarovun sözlərinə görə, R.İbrahimbəyov martın 10-dan 11-nə keçən gecə Moskvada dünyasını dəyişib: “Mərhumun ailəsinin dediyi kimi, kinorejissor Vətəndə dəfn olunacaq”.
Rüstəm İbrahimbəyov 1939-cu il fevralın 5-də Bakıda anadan olub. Şöhrət ona, Valentin Yejovla birgə “Səhranın bəyaz günəşi” filminin ssenarisini yazdıqdan sonra gəlib. Rüstəm İbrahimbəyovla Nikita Mixalkovun müştərək filmi olan "Sibir bərbəri" 1998-ci ildə Avropanın ən böyük büdcəli filmi sayılıb. 1999-cu ildə Rüstəm İbrahimbəyovun Sergey Bodrovla birgə ssenarisini yazdığı fransız direktivi Régis Wargnier olan "Şərq-Qərb" filmi ən yaxşı xarici film nominasiyasında "Oskar" mükafatına namizədlərdən biri olub.
İbrahimbəyov 40-dan çox bədii və televiziya filmi üçün ssenari yazıb. O, Bakıda bir çox kinofestivallarda fəxri yer tutan ilk uşaq kino məktəbi yaratmışdır.
