Cari il iyulun 4-dən “İrAero” aviaşirkəti Bakı-Saratov-Bakı marşrutu üzrə uçuşlara başlayacaq. Bu haqda bu gün, 15 iyun tarixində Bakuplus.az məlumat verir.
Uçuşlar həftədə bir dəfə - çərşənbə axşamı günləri "Superjet-100" təyyarəsi ilə həyata keçiriləcək.
Bakıdan təyyarə çərşənbə axşamı yerli vaxtla saat 16:55-də yola düşərək, Saratov şəhərinə 19:05-də enəcək. Dönüş reysi saat 20:20-da nəzərdə tutulub, Azərbaycanın paytaxtına təyyarə 22:55-də çatacaq. Biletin qiyməti 15.000 rubldan (təxminən 300 manat) başlayır.
