Beynəlxalq “NOWP Group”un filialı olan “Novator HRC” Azərbaycanda kimyəvi yuyucu və dezinfeksiyaedici vasitələrin istehsalına başlayacaq. İstehsalat kompleksi Bakının Sabunçu rayonunun Ramana kəndində yaradılacaq. Zavodun bu il fəaliyyətə başlaması gözlənilir. Bu haqda bu gün, 22 iyul tarixində Bakuplus.az FED.az-a istinadən məlumat verir.
“Novator HRC” şirkətinin marketinq direktoru Hacı Mustafazadənin sözlərinə görə, hazırda bu məhsullar Azərbaycana gətirilir və satılır.
Mustafazadə əlavə edib ki, masaüstü salfet, mətbəx salfeti, tualet kağızları istehsal olunur: “Xammal xaricdən idxal edilir. Kifayət qədər satış həcmimiz var. Hazırda ixrac yoxdur, amma tezliklə kağız məhsullarımızı ixrac etməyi düşünürük. İlk olaraq, Gürcüstana məhsul ixracına başlamağı planlaşdırırıq”.
