Ramiz Taxveli barəsində cinayət işi yenidən başlanılıb. Bu haqda bu gün, 24 aprel tarixində Bakuplus.az APA-ya istinadən xəbər verir.
Bir müddət əvvəl müalicə olunduğu psixiatriya xəstəxanasında vəfat edən Ramiz Taxvelinin cinayət işi üzrə dayandırılmış məhkəmə prosesi yenidən başlayıb.
Mərhumun tək varisi olan anası Gülarə Məmmədova məhkəməyə gəlmək istəmədiyi barədə ərizə göndərib. Hakim Rasim Sadıxov R.Taxvelinin ürəyin işemik xəstəliyindən öldüyünü açıqlayıb.
Tərəflərin razılığı ilə dayandırılmış məhkəmə istintaqı yenilənib.
İş üzrə baxış iclası mayın 14-nə təyin edilib.
2018-ci ildə Ramiz Taxveli həyat yoldaşı Adelya Taxvelini yaşadıqları evin balkonundan ataraq öldürməkdə ittiham olunur. Təqsirləndirilən şəxsin hadisədən sonra anlaqsız vəziyyətdə olduğu təsdiq olunub, məhkəmə istintaqı yarımçıq dayandırılıb və təqsirləndirilən şəxs psixiatriya xəstəxanasına müalicəyə göndərilib.
Cari ilin 3 aprel tarixində o, xəstəxanada ölüb.
