Ərdoğan Qarabağdakı vəziyyətlə bağlı açıqlama verib. Bu haqda bu gün, 21 sentyabr tarixində Bakuplus.az APA-ya istinadən xəbər verir.
“Qarabağdakı antiterror tədbirləri talançı erməni separatçıları ilə bağlı məsələdir, Paşinyanla bağlı deyil. Bunun Ermənistan dövlətinə aidiyyatı yoxdur” , - deyə Türkiyə prezidenti Nyu-Yorkdan geri dönərkən türk jurnalistlərin suallarına cavabında bildirib.
O qeyd edib ki, separatçıların sözdə seçki keçirmək cəhdləri həm Ermənistanın baş naziri, həm də Azərbaycanı ciddi narahat edib:
“Çünki Azərbaycan bu hadisəyə “hələ də davam edən bir prosesi alovlandırırlar” kimi baxdı. Bu arada təbii ki, qardaşlarımızı şəhid etməkləri də hadisəni çox fərqli səviyyəyə çatdırdı. Xəbərdarlıqlar edildi, lakin bütün bu xəbərdarlıqlara baxmayaraq, öz bildiklərini etməyə davam etdilər və Azərbaycan da addım atdı, çox gec olmadan orada əməliyyatlarını başa vurdu”, - deyə prezident əlavə etdi.
