Aktrisa və rəqqasə Oksana Rəsulova Batumidə ailəsi ilə istirahət edərkən xoşagəlməz hadisə ilə üzləşib.
Bakuplus.az xəbər verir ki, bu barədə sənətçi sosial şəbəkə hesabında paylaşım edib.
Rəsulova Batuminin mərkəzində yerləşən hotellərdən birində qaldığını və istirahət müddətində bir sıra problemlərlə qarşılaşdığını bildirib. Onun sözlərinə görə, hoteldə təmizlik, havalandırma sistemi, səs izolyasiyası, otaq və eyvanlarda məxfilik, həmçinin ətraf ərazidəki natəmizlik ciddi narahatlıq yaradıb.
Aktrisa qeyd edib ki, gecə saat 02:00 radələrində binada həyəcan siqnalı işə düşüb və bütün sakinlərdən binanı təcili tərk etmələri tələb olunub. O, ailəsi ilə birlikdə 39-cu mərtəbədə qaldığı üçün pilləkənlərlə aşağı enməli olduqlarını deyib.
Oksana Rəsulova çimərlikdəki antisanitar vəziyyətə də diqqət çəkərək bildirib ki, sahildə çoxlu zibil və sahibsiz itlər var. Onun sözlərinə görə, bu cür şərait müxtəlif infeksiyalara yoluxma riskini artırır.
Sənətçi istirahət zamanı özü və oğlu Osmanın bağırsaq infeksiyasına yoluxduğunu açıqlayıb. Onlar Batumidə xəstəxanaya yerləşdirilib və üç gün müalicə alıblar.
Rəsulova həmçinin Azərbaycanda etdirdikləri səyahət sığortasının operativ işlədiyini vurğulayıb. O bildirib ki, xəstəxanada yalnız kiçik məbləğdə ilkin ödəniş ediblər, qalan bütün müalicə xərcləri isə sığorta şirkəti tərəfindən qarşılanıb.
