Azərbaycanda mövcüd olan avtomobillərin 80%-i Bakı şəhərindədir. Bu haqda 16 noyabr tarixində Sonxeber.az məlumat verib.
Respublikada olan 1.3 milyondan çox avtomobilin 80%-i Bakı şəhərindədir, bu isə ekoloji problemə çevrilir. Avtomobillərin daxiliyanma mühərriklərindən havaya atılmış 260-dan çox zərərli maddə nəinki havaya, həmçinin torpağın, ağacların, yarpaqların da üzərinə çökür. Bu maddələrin təxminən 45%-i yağışla yuyulsa da, qalanı qalır.
“Əgər Bakıda yağış çox yağsaydı, bu çirklənmənin böyük bir hissəsi yuyulub gedə bilərdi. Amma təəssüf ki, Bakı yarımsəhra şəhəridir və burada havadakı çirklənmələrin yarıdan çoxu insan orqanizminə nüfuz edir, digər yarısı isə üzərimizə tökülür,” - AMEA-nın Coğrafiya İnstitutunun əməkdaşı Ənvər Əliyev deyib.
