Bakı Metropoliteninin əsas muzey eksponatlarından biri olan retro vaqonlar Novruz bayramı münasibətilə “İçərişəhər” stansiyasında nümayiş etdirilir. Bu haqda bu gün, 19 mart tarixində Bakuplus.az məlumat verir.
Ümumilikdə, müxtəlif dövrlərə aid olan 3 vaqon gətirilib. Onlardan biri, SSRİ-nin ilk metro qatarının tərkib hissəsi olan “A” tipli vaqon 1934-cü ildə istehsal olunub. Daha bir eksponat - 1950-ci illərin istehsalı olan “Q” tipli metro vaqonudur, sonuncusu isə postsovet məkanında 1983-cü ildə xətdə buraxılıb, 2011-ci ildə Bakı Metropolitenində istismardan çıxarılıb.
Bakı sakinləri həmin eksponatlarla 4 gün ərzində, 22 mart tarixinədək tanış ola bilərlər. Qeyd olunur ki, metroda şəkil çəkdirmək qadağan olsa da, bu qatarda şəkil çəkdirməyə icəzə verilir.
[URIS id=37736]
