İçərişəhər ərazisində II Milli Qurama Festivalının yürüşlə başlayıb. Bu haqda bu gün, 29 iyul tarixində Bakuplus.az Report-a istinadən məlumat verir.
Festivalın yürüşündə paytaxt sakinləri, turistlər və “İçərişəhər” DTMQ İdarəsinin əməkdaşları tərəfindən təcrübəli quramaçıların müşahidəsi ilə tikilən qədim tikmə növü olan Qurama İçərişəhər və Qala qoruqlarının bir neçə məkanında nümayiş etdirilib.
Festival çərçivəsində “Ənənəvi Qurama” sərgisinin nümayişi, ustad dərslərinin keçirilməsi, həmçinin qurama sənətkarları ilə yanaşı, həvəskar kolleksioner quramaçıların əl işlərinin nümayişi kimi çoxşaxəli proqram keçiriləcək. II Milli Qurama Festivalı Bakı və digər bölgələri əhatə edəcək.
Festival “İçərişəhər” Dövlət Tarix-Memarlıq Qoruğu İdarəsinin, Mədəniyyət Nazirliyinin və Elm və Təhsil Nazirliyinin təşkilatçılığı ilə keçirilir.
Qurama tikmə - qədim tikmə növüdür, müxtəlif parça hissələrinin bir-birinə pərçimlənməsi ilə başa gələn tikmə üsuludur.
[caption id="attachment_107905" align="alignnone" width="640"]
Foto açıq mənbədən[/caption]
