Rus sülhməramlıların 5 hərbçisi həlak olub. Bu haqda bu gün, 21 sentyabr tarixində Bakuplus.az Baş Prokurorluğa istinadən xəbər verir.
Tərtər rayonunun Canyataq kəndi ərazisində lokal xarakterli anti-terror tədbirlərində iştirak edən Azərbaycan Respublikasının Silahlı Qüvvələrinin bir qrup hərbi qulluqçusu Rusiya Federasiyasının Sülhməramlı Kontingentinin (RSK) həmin əraziyə dislokasiya olunmuş hərbi qulluqçularının olduğu avtomobil odlu silahlarla atəşə tutulub. Nəticədə RSK-nın 5 nəfər hərbi qulluqçusu həlak olub.
Hərbi qulluçularımız həmin avtomobilin mürəkkəb relyef və dumanlı-yağışlı hava şəraiti səbəbindən qanunsuz erməni silahlı birləşmələrinə məxsus olduğu zənn ediblər.
Bundan əlavə, RSK-ya məxsus Kamaz markalı avtomobil qanunsuz erməni silahlı birləşmələrinin naməlum üzvləri tərəfindən odlu silahlarla atəşə tutulub. Nəticədə RSK-nın 1 əsgəri ölüb, 1 nəfər hərbi qulluqçu isə yaralanıb.
Hər 2 faktla bağlı cinayət işi açılıb. Araşdırmalar davam edir.
