Bakıya uçan mülki təyyarələrə yenidən radiomaneələr tətbiq olunub. Bu haqda bu gün, 21 avqust tarixində Bakuplus.az Müdafiə Nazirliyinə istinadən xəbər verir.
Rusiya sülhməramlı kontingentinin müvəqqəti yerləşdiyi ərazilərimizdəki qeyri-qanuni erməni silahlı dəstələri tərəfindən radiomaneələrin tətbiqi yenidən intensivləşib. Onlar Azərbaycanın hava məkanından istifadə etməklə uçuşlar yerinə yetirən yerli və xarici aviaşirkətlərin sərnişin təyyarələrinin GPS peyk naviqasiya sistemlərinə qarşı aparılır.
Belə ki, 21 avqust saat 10:15-dən 10:23-dək ATR-45 tipli sərnişin təyyarəsinin GPS peyk naviqasiya sistemlərində fasilə yaranıb.
Faktla bağlı Rusiya sülhməramlı kontingentinin komandanlığının tərəfimizdən məlumatlandırılmasına baxmayaraq, bu günədək heç bir tədbir görülməyib.
