Bakının Səbail rayonunda təmizlik-abadlıq işləri keçirilib. Bu haqda bu gün, 13 iyul tarixində Bakuplus.az rayon İcra Hakimiyyətinə istinadən xəbər verir.
Keçirilmiş iməcilik çərçivəsində rayon ərazisində yerləşən prospekt və küçələrdə, park və xiyabanlarda ümumi təmizlik işləri aparılıb. Həmçinin yeraltı piyada keçidləri, səkilər, bordürlər, işıq dirəkləri, məhəccərlər, mağaza vitrinləri, binaların fasadları, məişət tullantıları üçün nəzərdə tutulan konteynerlər, eləcə də reklam lövhələri, ağaclar və yaşıllıq zolaqları yuyulub, ağaclar budanaraq onlara xüsusi qulluq göstərilib.
Təmizlik işləri Səbail rayon Mənzil-Kommunal Təsərrüfat Birliyinin əməkdaşları tərəfindən həyata keçirilib.
