Paytaxtda silah-sursatın könüllü təhvil verilməsi davam edir. Bu haqda bu gün, 8 dekabr tarixində Bakuplus.az Daxili İşlər Nazirliyinə (DİN) istinadən xəbər verir.
Səbail rayonun sakinləri – E.Hüseynov dünyasını dəyişən babasından qalan “İJ-18”, R.Əbilova dünyasını dəyişən həyat yoldaşından qalan “Chircill” və A.Kərimov dünyasını dəyişən atasından qalan “Toz-17” markalı ov tüfənglərini könüllü olaraq polis şöbəsinə təhvil veriblər. Müvafiq sənədləri olmayan silahlar polis əməkdaşları tərəfindən götürülüb və vətəndaşlara təşəkkür edilib.
Əlavə olaraq, Səbail rayonu, Badamdar qəsəbəsində polis əməkdaşları tərəfindən keçirilən təhlükəsizlik tədbirlər zamanı ərazidə “Kalaşnikov” avtomatı, 72 ədəd patron, patron darağı və qumbara aşkar olunaraq götürülüb.
[caption id="attachment_122554" align="alignnone" width="640"]
Foto DİN-nin mətbuat xidməti[/caption]
