Paytaxtın Səbail rayonu, Salyan şosesi, 5-ci döngə, ev 6 ünvanında yerləşən təmizlik vasitələrinin istehsalı müəssisəsində nöqsanlar aşkarlanıb. Bu haqda bu gün, 7 noyabr tarixində Bakuplus.az Fövqəladə Hallar Nazirliyinə istinadən xəbər verir.
“İstanbul Təmizlik və Kosmetik” MMC-yə məxsus obyektdə keçirilən monitorinq zamanı məlum olub ki:
- Obyektdə yanğın üçün nəzərdə tutulmuş su hovuzu və su kranları yoxdur;
- Obyektin təxliyə yolları normaya uyğun deyil;
- Obyektdə anbar otaqlarında təhlükəsizlik qaydalarına riayət olunmayıb;
- Obyektdə ilkin yanğınsöndürmə avadanlıqları mövcud deyil;
- Obyektin işçiləri yanğın zamanı nə etmək haqda təlimatlandırılmayıblar.
Aşkar olunmuş faktlarla bağlı “İstanbul Təmizlik və Kosmetik” MMC-yə məxsus təmizlik və kosmetik vasitələrinin istehsalı müəssisəsinin fəaliyyəti qismən dayandırılıb, sahibkar məsuliyyətə cəlb olunub.
[caption id="attachment_78031" align="alignnone" width="640"]
Foto FHN-nin rəsmi saytı[/caption]
