Bakının Səbail rayonunun Badamdar qəsəbəsində S.İbrahimxəlilov küçəsi, 1 və 1A ünvanlarını əhatə edən ərazi abadlaşdırılaraq sakinlərin istifadəsinə verilib. Bu haqda bu gün, 5 iyul tarixində Bakuplus.az APA-ya istinadən xəbər verir.
Aparılan işlər çərçivəsində müxtəlif idman qurğuları və uşaqlar üçün oyun meydançası, 2 söhbətgah və çoxsaylı oturacaqlar quraşdırılıb. Həmçinin ərazidə mövcud yaşıllıqlar bərpa olunub, 300 ədəd müxtəlif növ ağaclar və dekorativ kollar əkilib, 1000 kv.m ərazidə yaşıllıq zolağı salınıb.
“Yaşıl dünya naminə həmrəylik ili” ilə əlaqədar Səbail rayonu ərazisində bir sıra həyətlərdə abadlıq işlərinin aparılması, mövcud yaşıllıqların bərpa edilməsi, yeni parklar və yaşıllıq zolaqlarının yaradılması, gənclərin sağlam həyat tərzi, asudə vaxtlarının səmərəli təşkili məqsədilə əyləncə qurğuları yerləşdirilməsi və idman alətlərindən ibarət meydançaların salınması istiqamətində işlərin mərhələli şəkildə həyata keçirilməsi nəzərdə tutulub.
