Sabunçu rayonunda quş əti emalı müəssisəsində nöqsanlar aşkar olunub. Bu haqda 22 oktyabr tarixində Azərbaycan Qida Təhlükəsizliyi Agentliyi(AQTA) xəbər verib.
AQTA Ramana qəsəbəsi, Südçülük Sovxozunda quş əti emalı müəssisəsində yoxlama keçirdib. Müəyyən olunub ki, sexdə sanitariya-epidemioloji qaydalara və normativlərə əməl olunmur. Toyuq farşının istehsalında “Omega” rəngləndirici qida əlavəsindən (E124) istifadə olunur. Həmçinin müəssədə işlədilən qablar lazımi yuyucu-dezinfeksiyaedici vasitələrnən yuyulmur, habelə məhsulların etiket məlumatlarında, qablaşdırılmasında və markalanmasında bir sıra nöqsanlar aşkar edilib.
Müəssisə rəhbəri Rasim Axundzadə inzibati məsuliyyətə cəlb edilib.
