Xalq rəssamı Səttar Bəhlulzadənin əsərlərini satan şəxsin kimliyi məlum olub. Bu haqda bu gün, 24 fevral tarixində Bakuplus.az Baku TV-yə istinadən xəbər verir.
Belə ki, əsərləri satan Türkiyəli kolleksiyaçı Oğuz Tolgadır. O, bu əsərləri 33 il ərzində topladığını vurğulayıb.
“Sadəcə bu rəsmlər deyil, mən çox böyük bir kolleksiyaçıyam. Əvvəlcə Sovet rəsmləri ilə başlamışdım. Bunlar o zaman Azərbaycanda çalışmış olan xaricdəki təmsilçilərin, türklərin alıb gətirdikləri rəsmlərdir. 10 il əvvəl Türkiyədəki Azərbaycan rəsmlərini toplayanlardan hamısını yığdım”.
O, rəsmlərin tam qanuni aldığını və bununla bağlı bütün qurumların xəbəri olduğunu bildirib. Həmçinin rəsmlərin Amerikadan bir neçə dəfə istədiklərini, ancaq ora satmaq istəmədiyini bildirib.
“2 nəfər Amerikadan zəng edib, bir neçə dəfə Azərbaycandan zəng edib, maraqlanıblar. Amerikadan əvvəl də, indi də almaq istəyənlər var, ancaq mən oraya satmaq istəmirəm. Buna görə də qiyməti çox yüksək qoymuşam”, - deyə o əlavə edib.
