Paytaxtın Sabunçu rayonu, Zabrat qəsəbəsində qadın və yetkinlik yaşına çatmayan məhkumlar üçün penitensiar müəssisənin açılışı baş tutub. Bu haqda bu gün, 29 mart tarixində Bakuplus.az Prezidentin rəsmi saytına istinadən xəbər verir.
Ötən əsrin 30-cu illərində inşa olunan tikilidə yenidənqurmadan sonra istirahət, psixoloq, ibadət otaqları istehsalat sahələri təşkil edilib. Məhkumların toxuculuq, xalçaçılıq, biçmə, tikiş və şirniyyat sexlərində çalışmaları üçün şərait yaradılıb.
Müəssisənin ikimərtəbəli tibb-sanitariya hissəsi də mövcuddur.
Bundan əlavə, məhkumların ailə üzvləri ilə qısamüddətli və 3 günlük uzunmüddətli görüşü üçün hər cür məişət şəraiti, mətbəxi, gəzinti yerləri olan ayrıca otaqlar vardır.
Açılışda Prezident İlham Əliyev də iştirak edib.
[caption id="attachment_38595" align="alignnone" width="800"] Foto President.az saytından[/caption]
