Bakıda 16 yaşlı qız oğlana qoşularaq qaçıb. Bu haqda bu gün, 27 aprel tarixində Bakuplus.az Xəzər Xəbər-ə istinadən məlumat verir.
Sabunçu rayonunun eyniadlı qəsəbəsində yaşayan 16 yaşlı qız 17 aprel tarixində kredit ödəmək adı ilə evdən çıxıb və 17 yaşlı oğlana qoşularaq qaçıb.
Qızın atası övadının evə qayıtmasını və təhsil almasını istəyir.
“Təhsili yox, yaşı az. Oğlanın ətrafı da normal deyil. Mən qızımın evə qayımtasını istəyirəm”, – deyə o qeyd edib.
Ata qızının təzyiq altında olduğunu deyir.
Məsələ ilə bağlı Daxili İşlər Nazirliyindən bildirilib ki, qız və oğlan hazırda Şamaxı rayonundadırlar. Onlarla bağlı qanunamüvafiq tədbirlər görüləcək.
