Bakının Qaradağ rayonunda daha bir küçədə təmir işləri yekunlaşıb. Bu haqda 10 oktyabr tarixində Azərbaycan Avtomobil Yolları Dövlət Agentliyi məlumat verib.
Bakının Qaradağ rayonunun Sahil qəsəbəsinin əsas yollarından biri, uzunluğu 3200 metr, orta eni 14 metr təşkil edən Məhərrəm Seyidov küçəsinin təmiri yekunlaşıb.
Görülən işlər:
- ərazidə mövcud piyada səkilərinin bərpası, kənarlarına yeni səki daşlarının düzülməsi və yeni asfalt-beton örtüyünün döşənməsi işləri icra olunub;
- küçəboyu 2500 p/m yeni səki daşları düzülüb;
- ərazidə yeni yağış barmaqlıqları quraşdırılıb, kommunikasiya xətlərinin baxış qapaqları yenilənib;
- son mərhələdə zəruri yol nişanları, üfüqi nişanlanma xətləri, piyada zolaqları ilə təmin olunaraq küçə müasir görkəmdə vətəndaşların istifadəsinə verilib.
Bu il ərzində Qaradağ rayonunun Lökbatan, Qızıldaş, Sahil və Qobustan qəsəbələri üzrə təmiri aparılan küçələrin uzunluğu 19,6 km təşkil edir.
[caption id="attachment_74080" align="alignnone" width="640"]
Foto AAYDA-nın rəsmi saytı[/caption]
